Elimizde tuńǵysh ret medıator mamandyǵyna oqytý qazaq tilinde júrgizilmek
ALMATY. 26 aqpan. QazAqparat - Almatyda 16 naýryzdan bastap elimizde tuńǵysh ret qazaq tilinde medıator mamandyǵyna oqytý júrgizilgeli otyr.
«Halyqaralyq quqyq qorǵaý ortalyǵy» qoǵamdyq birlestigi Úkimettiń 2011 jylǵy 3 shildedegi №770 qaýlysymen bekitilgen «Medıatorlardy daıarlaý baǵdarlamasy boıynsha oqytýdan ótkizý qaǵıdasyna» sáıkes «Jalpy medıatsııa kýrsy» (48 saǵat) men «Mamandandyrylǵan medıatsııa kýrsyn» (50 saǵat) bastaǵaly otyr. Olardy «Halyqaralyq quqyq qorǵaý ortalyǵy» jáne «Qylmystyq atqarý júıesin reformalaý» qoǵamdyq birlestikteriniń basshysy, Halyqaralyq aqparattandyrý akademııasynyń korrespondent múshesi Jandildi Jaqypov júrgizedi. J. Ájiǵalıuly Bolgarııa men Ispanııa elderinen tájirıbeden ótken, 25 jyldan asa Reseı men Qazaqstanda zań salasynda tájirıbelik qyzmet jasaǵan jáne memlekettik tilde is -sharalar júrgizýdiń sheberi.
«Jalpy medıatsııa kýrsy» oqý baǵdarlamasy boıynsha sertıfıkat alǵandar medıator retinde kásibı negizde tájirıbelik qyzmet júrgizýge quqyly.
«Mamandandyrylǵan medıatsııa kýrsy» oqý baǵdarlamasy boıynsha sertıfıkat alǵandar da medıator retinde, onyń ishinde naqty mamandanýy boıynsha kósibı negizde tájirıbelik jumysty júrgize alady jáne «Halyqaralyq quqyq qorǵaý ortalyǵy» men «Qylmystyq atqarý júıesin reformalaý» qoǵamdyq birlestikteriniń kásibı medıatorlar tizilimine (reestr) tirkelinedi. Osydan soń QR «Medıatsııa týraly» Zańynyń talaptaryna saı medıator retinde kásibı negizde tájirıbelik qyzmetti júrgizýge quqyly bolady.
