Elimizde tuńǵysh ret balalarǵa búırek transplantatsııasy jasaldy

Bul týraly búgin baspasóz máslıhatynda «Ulttyq medıtsınalyq holdıng» AQ basshysy Eljan Birtanov málim etti.  

«2010 jyly Ulttyq medıtsınalyq holdıng bazasynda QR Úkimetiniń jáne Densaýlyq saqtaý mınıstrliginiń qoldaýymen jańa joba bastaý aldy. Onyń aıasynda holdıng klınıkalarynyń 21 qyzmetkeri Belarýs, Ońtústik Koreıa, Germanııa elderinde daıyndyqtan ótken. Holdıng bazasynda joba negizinde eresekterge 21 búırek transplantatsııasyn jasadyq. Sonymen qatar ótken aptada Belarýs elinen kelgen áriptestermen birge sheberlik sabaqtaryn ótkizip, Qazaqstanda alǵash ret dertke dýshar bolǵan 4, 10 jáne 17 jastaǵy 3 balaǵa búırek aýystyrý otasyn jasadyq», - dedi E.Birtanov.

Onyń aıtýynsha, joba aıasynda holdıng ortalyqtarynda júrek aýystyrý otasy jáne 12 aýtogendi jilik maıynyń transplantatsııasy alǵash ret ótkizilgen.