Elimizde tuńǵysh ret ársalalyq kadrlardy daıarlaý men sertıfıkattaý oqý-ádistemelik klasteri ashyldy

Bul ársalalyq klaster Almaty qalasyndaǵy Kásipkerler palatasynyń qoldaýymen júzege asyp otyrǵan salalyq klasterler ishindegi baspa jáne polıgrafııalyq ónerkásiptegi klaster bolyp tabylady. «Búginde osy salada mamandardy daıarlaý sapasy ózekti máselege aınaldy. Jumys berýshiler olardyń biliktiligine rıza emes. Sondyqtan salalyq kásiporyndarǵa biliktiligi joǵary mamandardy daıarlaý úshin osyndaı klaster ashyp otyrmyz. Bul jerde birneshe zańdy tulǵa materıaldyq jáne aqparattyq resýrstaryn biriktiredi. Olar salalyq qaýymdastyqtar, solardyń kásiporyndary jáne beıindi oqý oryndary. Bul klasterdi salalyq birlestik deýge bolady. Ol kadrlar daıarlaýda ózara árkettestiktiń joǵary deńgeıi bolyp tabylady», - dedi Almaty qalalyq Kásipkerler palatasy saraptama bóliminiń bastyǵy Vera Tszın. Aldaǵy ýaqytta jeńil ónerkásip, týrızm jáne jıhaz jasaý ónerkásibi boıynsha da osyndaı klasterlerdi ashý kózdelýde.