Elimizde tuńǵysh ret «Argento art-ortalyǵy» meıramhanalyq galereıasy ashyldy
ALMATY. 15 shilde. QazAqparat /Názıra Eleýhan/ - Elimizde tuńǵysh ret "Argento art-ortalyǵy" meıramhanalyq galereıasy ashyldy. Keshe Almatyda atalmysh ortalyqtyń saltanatty ashylý rásimi bolyp ótti.
Jańa beıneleý jáne qoldanbaly óner salasyndaǵy "Erekshe talǵamdaǵy óner" dep atalatyn biregeı jańa jobany qolǵa alǵan "Argento" meıramhanasy.
Meıramhananyń art-dırektory Evgenıı Kannyń aıtýynsha, endi munda elimizdiń qolóner sheberleriniń týyndylaryn kórýge bolady. "Kórmeler ýaqyt óte jańaryp otyratyn bolady. Ár kelýshi munda tamaqtanyp qana qoımaı, dástúrli de jańa, zamanaýı ónerdiń úlgilerin, qazaqstandyq sheberlerdiń eń úzdik degen jumystaryn kóre alady. Negizinen, meıramhanalyq galereıa Eýropada jaqsy damyǵan. Bizde nege elimizde ashpasqa degen oıǵa kelip, iske asyrýdy jón kórdik. Osylaısha, bir jaǵynan biz qolóner sheberlerin qoldamaqpyz jáne olardyń ónerin tanystyrmaqpyz", -dedi ol.
Meıramhanalyq galereıaǵa qoıylatyn eń úzdik týyndylar arnaıy tańdaýdan ótip qoıylatyn bolady. Meıramhanaǵa kelýshiler eksklıýzıvti jumystardy tamashalap qana qoımaı satyp ta ala alady. Meıramhana basshysynyń aıtýynsha, munda kóbine sheteldik qonaqtar kóp keledi eken. Endeshe, sheteldikter úshin qazaqstandyq mádenıetpen tanysýdyń taǵy bir múmkindigi týdy.
Alǵashqy "Matadaǵy ǵajaıyp" dep atalatyn kórmege sándik kıiz óneriniń has sheberi Gúlshat Jýraevanyń, altyn jippen tigýmen aınalysatyn óner sheberi Aıjan Ábdýbaıtovanyń, sonymen qatar, jibek mataǵa sýret salýshy sheber ıÝlııa Ismambetovanyń týyndylary qoıyldy.
Shara barysynda sýretshi ıÝlııa Ismambetova galereıa qonaqtaryna sheberlik synyp ótkizip, mataǵa salǵan sýretin, ortalyqtyń ashylýyna oraı meıramhana basshysy Evgenıı Kanǵa syıǵa tartty.
