Elimizde tuńǵysh ret Áleýmettik jarnama galereıasy ashyldy
dep habarlaıdy QazAqparat.
Galereıanyń birinshi kórmesi «Astanadan shyn júrekpen» degen atpen Astana qalasynyń týǵan kúnine arnaldy. Kórmege tanymal qazaqstandyq fotograf Andreı Pılıpenkonyń merekede túsirgen jarqyn sýretteri qoıylǵan.
Áleýmettik jarnama galereıa Qazaqstannyń Jastar MedıaOdaǵy, Almaty qalasynyń Azamattyq Alıansy, «Koleso ıdeıalar úıi» JShS-gi, «Dastarhan» JShS-giniń uıymdastyrýymen jáne Almaty qalasynyń Almaly aýdany ákimdiginiń qoldaýymen ashyldy.
«Stolıchnyı» sýpermarketiniń promenad aımaǵy fotograftardyń, sýretshiler men dızaınerlerdiń, úkimettik emes uıymdardyń jetistikteriniń kórmesine aınalatyn boldy. Bul jobanyń iske asýy- azamattyq alıanstyń úlgisi boldy, óıtkeni, qajetti jáne paıdaly isti iske asyrýda úkimettiń, bıznestiń jáne ÚEU ókilderi birikti», dedi jobanyń bastamashysy, Qazaqstan Jastar MedıaOdaǵynyń dırektory Svetlana Galıeva. Onyń aıtýynsha áleýmettik jarnama halyqtyń nazaryn kókeıkesti máselelerge aýdaryp qane qoımaı, kózqarastaryn ózgertip, jańa áleýmettik qundylyqtardy da týdyrýda.
Kórmeniń ashylý saltanatyna arnaıy qatysqan Almaly aýdanynyń ákimi Marat Pirinbekov: "Qazaqstanda áleýmettik jarnamanyń orny bólek jáne qajettiligi bar ekendiligi baıqalady. Bul jarnamanyń túri jarnamalyq keńistikte aldyńǵy orynǵa shyǵyp otyrǵandyǵyna kóz jetkizýge bolady. Qazaqstannyń jáne onyń azamattarynyń jańa kelbetin qalyptastyrý búgingi kúnniń basty máselesi. Sondyqtan, áleýmettik jarnama men áleýmettik PR qazirgi zaman qoǵamynyń adamgershiligin arttyryp, onyń jańa qundylyqtaryn ashýǵa kómektesetin qural bolyp tabylady", dedi.
