Elimizde tuńǵysh ret 4 sporttan birlesken komandalyq jarys ótedi
ASTANA. QazAqparat - Búgin keshki saǵat 17:00 «Kerýen» OSO (3 qabat)-da Sporttyq jekpe-jek kúsh qoldanylatyn sport túrleri konfederatsııasynyń «Konfederatsııa kýbogi» týrnıriniń bastalýyna oraı baspasóz máslıhaty ótedi. Bul týraly Konfederatsııanyń baspasóz ortalyǵy habarlady.
Bıyl tuńǵysh ret boks, kúres, dzıýdo jáne taekvondo (WTF) sportynan birlesken komandalyq jarys ótkeli otyr. Osyǵan oraı ótkiziletin baspasóz máslıhatynda jarystyń jerebesi tartylady.
Jarystyń irikteý kezeńi ústimizdegi jyldyń qazan-qarasha aılarynda ótkizilse, fınaldyq kezeń jeltoqsan aıyna josparlanyp otyr.
Jerebe tartý sharasyna Rıo-de-Janeırodaǵy Olımpıada oıyndarynyń chempıondary men júldegerleri, tanymal sportshylar qatysady. «Konfederatsııa kýboginiń» júlde qory - 125 mln teńge.
