Elimizde tumaýǵa qarsy 633 mln. teńgeniń 900 myńnan astam doza vaktsınasy satyp alyndy
ASTANA. 2 qazan. QazAqparat - Elimizde tumaýǵa qarsy 633 mln. teńgeniń 900 myńnan astam doza vaktsınasy satyp alyndy. Bul týraly búgin QR Densaýlyq saqtaý mınıstrligi Epıdemıologııalyq qadaǵalaý komıtetiniń basqarma basshysy Aıtmaǵanbet Jolshorınov málim etti.
Ótken maýsymda respýblıka kóleminde 766 myń JRVI men 866 myń tumaý aýrýy tirkelgen bolatyn. Bul aldyńǵy maýsymǵa qaraǵanda birshama tómen. Aıta keterligi, jyldan jylǵa Qazaqstandaǵy epıdemıologııalyq ahýal jaqsartyp keledi», - dedi ol.
Basqarma basshysynyń atap ótýinshe, Dúnıejúzilik densaýlyq saqtaý uıymynyń boljamynsha bıylǵy jyly Qazaqstanda ótken jylǵydaı tumaýdyń A (H3N2), A (H1N1) jáne V tıpti túri kezdesedi. Sonymen birge basqa da tumaý respıratorlyq aýrýlar kezdesýi múmkin.
«Osyǵan baılanysty Densaýlyq saqtaý mınıstrligi bıyl óziniń aldyn alý sharalaryn bastap ketti. Búkil óńirlerde aqsha bólinip, 633 mln. teńgege 900 myńnan astam tumaý vaktsınasy alyndy»,- dedi A.Jolshorınov.
