Elimizde týberkýlezden qaıtys bolatyn adamdar sany azaıdy
ASTANA. QazAqparat - Qazaqstanda týberkýlezden qaıtys bolatyn adamdar sany 24,3 paıyzǵa azaıdy. Bul týraly búgin OKQ-de ótken brıfıngte QR Densaýlyq saqtaý mınıstri Salıdat Qaıyrbekova málimdedi.
«Qazaqstan úshin týberkýlezge baılanysty másele áli de bolsa kún tártibinde tur. Biraq biz sol aýrýdan kóz jumatyn naýqastardyń sanyn edáýir azaıttyq. Elimizdegi týberkýlez boıynsha epıdemıologııalyq ahýal birqalypty dep aıtýǵa bolady. «Salamatty Qazaqstan» memlekettik baǵdarlamasyn iske asyryp kele jatqan sońǵy 3 jylda jalpy ólim-jitim sany 16 paıyzǵa azaıdy. Al osy aýrý kesirinen baqılyq bolatyn otandastarymyzdyń sany 24,3 paıyzǵa kemidi», - dep atap kórsetti mınıstr.
Sonymen qatar, mınıstrdiń málimetinshe, QR Densaýlyq saqtaý mınıstrligi týberkýlezge qatysty jaǵdaı boıynsha vedomstvoaralyq ulttyq jospar jasap shyqqan. «Jýyq arada sol jospardy Úkimet deńgeıinde bekitýge shyǵarmaqpyz», - dedi S. Qaıyrbekova.
