Elimizde tórt túlik mal sany ósip, shoshqa azaıdy

ASTANA. QazAqparat – Elimizde tórt úlik mal men qustar sany ósip, shoshqa azaıdy, dep habarlaıdy QazAqparat Ulttyq statıstkalyq bıýroǵa silteme jasap.

Ulttyq bıýro málimetterine qaraǵanda, 2022 jylǵa jalpy mal sharýashylyǵy óniminiń naqty kólem ındeksi 2021 jylmen salystyrǵanda 100,8%-dy qurady, mundaǵy ósim mal sharýashylyǵy ónimderiniń negizgi túrlerin óndirý kóleminiń ulǵaıýyna baılanysty boldy.

2021 jylmen salystyrǵanda tiri salmaqta mal men qustyń barlyq túrlerin soıý nemese satý kólemi 0,2%-ǵa, sút óndirý – 1,9%-ǵa, jumyrtqa – 4,4%-ǵa ósti.

Jyl ishinde mal men qus basy kelesideı ózgerdi (2023 jylǵy 1 qańtarda): jylqy sany – 10,5%-ǵa, túıe – 6,5%-ǵa, iri qara – 4,2%-ǵa, qoı men eshki – 4,4%-ǵa, qustar – 4%-ǵa ósti, shoshqa sany 9,2%-ǵa azaıdy.

2022 jylǵa Bir saýyn sıyrdyń ortasha sút ónimdiligi 2021 jylmen salystyrǵanda 2,4%-ǵa, bir jumyrtqalaıtyn taýyqtyń ortasha jumyrtqa ónimdiligi 19,5%-ǵa ósti, sharýashylyqta soıylǵan nemese soıýǵa satylǵan bir bas iri qaranyń ortasha tiri salmaǵy 2021 jylǵy deńgeıde qaldy.

Aıta ketý kerek, mal sharýashylyǵy ónimderi, mal men qus basynyń sany týraly derekter aýyl sharýashylyǵy kásiporyndary, sharýa nemese ferma qojalyqtary, jeke kásipkerler, úı sharýashylyqtary usynǵan ártúrli kezeńdik statıstıkalyq baıqaýlar negizinde, sondaı-aq úı sharýashylyqtary derekteri boıynsha qalyptastyrylady.