Elimizde TKSh ınjenerlik ınfraqurylymdaryn jańǵyrtýǵa halyqaralyq ınstıtýttardyń qarjysy tartylatyn bolady

ASTANA. QazAqparat - Elimizde turǵyn úı-kommýnaldyq sharýashylyǵy ınjenerlik ınfraqurylymdaryn jańǵyrtýǵa halyqaralyq ınstıtýttardyń qarjysy tartylatyn bolady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte «TKSh-ny damytý jáne jańǵyrtýdyń qazaqstandyq ortalyǵy» AQ basqarmasynyń tóraǵasy Sergeı Shaıjúnisov málim etti.

«Nurly jol» ınfraqurylymdy damytý memlekettik baǵdarlamasyna sáıkes qarjy uıymdary qarjysy esebinen qarjylandyrý boljanýda. Búgingi taǵda qolymda bar jobalarǵa taıaý jyldardyń ishinde shamamen 20 mlrd. teńge tartýdy josparlap otyrmyz», - dedi ol.

Sonymen qatar onyń sózine qaraǵanda, 2016 jylǵa da dál osyndaı kólemde sýbsıdııa bólý nemese ınfraqurylymdyq granttar tartý kózdelip otyr.

«Bul shara elimizdiń halqy úshin tarıfterdiń ósimine jol bermeý maqsatynda qolǵa alynyp otyr. Sýbsıdııa berýdiń erejesi ázirlenýde. Biz ony halyqaralyq qarjy uıymdarymen birlesip jasaýdamyz. Qazirgi ýaqytta atalǵan ereje kelisilýde. Menińshe, ol taıaý ýaqytta qabyldanyp, bekitiletin bolady», - dedi basqarma basshysy.