Elimizde tirkelmegen, biraq «Alǵa» degen atpen belgili partııanyń tóraǵasy V.Kozlovtyń kásibinen bylyq shyqty
ASTANA. Qazannyń 28-i. QazAqparat /Aıdar Ospanalıev/ - Almaty qalasynyń Salyq departamenti aǵymdaǵy jylǵy sáýirdiń 6-y men maýsym aıynyń 26-y aralyǵynda jeke kásipker Vladımır Kozlovqa keshendi salyqtyq tekserý jumystaryn júrgizgen.
Tekserý kezinde onyń salyqty tóleýden jaltarý sııaqty ózge de birqatar zańsyz áreketterge barǵandyǵy anyqtaldy. Bul týraly búgin Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti.
Onyń sózine qaraǵanda, jeke kásipkerdiń búgingi tańda bıýdjetke tóleýi tıis, biraq zańdy belden basýy sebepti tólenbeı júrgen qarjy kólemi 3,3 mıllıon teńgeni qurap otyr. «Tekserý kezinde quny 500 aılyq eseptik kórsetkishten asatyn salyq tóleýden jáne memleketke mindetti túrde tólenýi tıis ózge de qarjyny tóleýden jaltarý áreketiniń oryn alýyna baılanysty salyq komıteti jeke kásipker V.Kozlovqa júrgizilgen keshendi tekserý jumystarynyń qorytyndylaryn qarjy polıtsııasynyń Almaty qalalyq ókildigine joldady. Salyq organdarynyń tekserý jumystarynyń materıaldary qazannyń 3-i kúni qarjy polıtsııasyna kelip tústi. Osyǵan qaraı is qoldanystaǵy qylmystyq-protsessýaldyq zańnamaǵa sáıkes tirkelip, qosymsha tekserý jumystary júrgizilýde. Tekserý qorytyndylary qoǵam nazaryna jetkiziledi», - dedi resmı ókil.
Sondaı-aq, salyq organdardy V.Kozlovtan qosymsha qun salyǵynyń kórsetkishterin azaıtyp kórsetý faktilerin anyqtady. «Bunyń kásipkerdiń qoǵamdyq- saıası qyzmetine eshqandaı da qatysy joq», dedi M.Jumanbaı.
