Elimizde til mamandary úshin onlaın-kýrs uıymdastyrylady
Elimizdegi tótenshe jaǵdaıǵa baılanysty azamattardyń densaýlyǵyn saqtaý jáne Qazaqstanda koronavırýstyń taralýymen kúres júrgizý maqsatyndaǵy sharalar josparyna sáıkes «Til-Qazyna» ortalyǵy «Memlekettik tildi oqytý ádistemesi» atty onlaın-kýrs uıymdastyrady.
«Onlaın-kýrsqa Til basqarmalarynyń qyzmetkerleri, oblystyq jáne aýdandyq tilderdi oqytý ortalyqtarynyń oqytýshylary, ádiskerleri men til mamandary jáne osy taqyrypta bilimin jetildiremin degen kez kelgen eresek azamat qatysa alady», - delingen baspasóz habarlamasynda.
Kýrs barysynda memlekettik til jáne ony oqytý ádistemesine qatysty ǵalymdar men ádiskerler oı-pikirlerin, úzdik ádis-tásilderin ortaǵa salyp, ózara tájirıbe almasady.
«Elimizdegi ortalyqtardyń jumysyn sandyq júıege kóshirýde biryńǵaı elektrondy derekqordy paıdalaný joldary kórsetilip, zamanaýı pedagogıkalyq tehnologııalardy tıimdi qoldaný jaıly keńes-usynystar aıtylady jáne nátıjesi kórsetiledi. Sonymen qatar, qazaq tilin oqytýdyń avtorlyq ádistemesin qalyptastyrý máselesi qozǵalyp, zamanaýı úlgidegi oqý keshenderin, ádistemelik materıaldaryn ázirleý jaıy talqylanady. Sondaı-aq, memlekettik tildi qashyqtan oqytýdyń júıesin qurý jónindegi pikirler men ıdeıalar alǵa tartylady», - delingen aqparatta.
Onlaın-kýrs baǵdarlamasyn www.tilalemi.kz saıtynan kórýge bolady
