Elimizde temirjol qaýipsizdigin tekserý sany eki esege ósti
ASTANA. QazAqparat - QR IDM Kólik komıtetinde 2017 jyldyń qorytyndysy boıynsha temirjol kóligindegi qaýipsizdikti qamtamasyz etý máselelerine arnalǵan keńes ótti, dep habarlaıdy mınıstrliktiń baspasóz qyzmetine silteme jasap.
Jıynda atalǵan saladaǵy ózekti máseleler belgilenip, tasymaldaýshylarmen pikir almasyldy.
Temirjol kóligindegi baqylaý basqarmasynyń aqparatyna sáıkes, 2017 jyly tasymaldaý protsesiniń barlyq qatysýshylary Qaýipsizdik erejelerin 881 ret buzǵan (2016 jyly - 1031).
Jolaýshylar poıyzdarynda 183 oqıǵa tirkelgen. "Tulpar-Talgo" vagondary tirkelgen jolaýshylar poıyzyna aıryqsha kóńil bólindi. 2015-2017 jyldarǵa jasalǵan taldaý poıyzdy jabdyqtaýǵa baılanysty ereje buzý faktileriniń óskenin kórsetip otyr. Sonyń saldarynan uzaq ýaqytqa kidirý, jolaýshylarǵa keri áser etý máseleleri týyndaǵan.
Joldar men qurylys sharýashylyǵynda 146 zań buzýshylyq jasalǵan. Olardyń basty sebepteri - joldardyń joǵarǵy qurylystarynda aqaýlardyń bolýy (jyljymaly sostavtyń 9 ret joldan shyǵýyna ákelgen), adam ótetin jerlerde qorshaýdyń bolmaýy.
Lokomotıvti jáne vagon sharýashylyǵynda 50 zań buzýshylyq tirkelgen. Onyń ishinde aýyr júk jyljymaly quramynyń jóndeýden ótý sapasynyń tómendigi, lokomotıv brıgadalarynyń laýazymdyq nusqaýlyqtaryn buzýy, poıyz lokomotıviniń aqaýlary jáne taǵy basqalar bar.
2017 jylǵy Kólikti baqylaý organdarynyń 737 tekserisi nátıjesinde temirjol kóliginde qozǵalys qaýipsizdigin buzý (v 2016 godý - 5 414) faktileri anyqtalǵan. Bul 2016 jylmen salystyrǵanda eki ese ósip otyr. 10,6 myń shaqyrym magıstraldi, stantsııalyq jáne kirme joldar, sonymen birge temirjol jyljymaly quramynyń 15 myń (2016 - 5414) birligi tekserilgen. Tekserý barysynda 27634 normatıvti quqyqtyq aktiler talaptarynyń (2016 jyly - 12603) buzylǵany anyqtaldy.
Qabyldanǵan sharalardyń nátıjesinde 1094 temirjol jelisi men baǵyttamalyq burmany, 515 temirjol jyljymaly quramyn paıdalaný toqtatyldy.
875 jolaýshylar poıyzy tekserilip (2016 jyly - 253), 1194 (2016 jyly - 775) bıletsiz jolaýshylardy tasymaldaý jáne 1922 kg (2016 jyly - 2131 kg) rásimdelmegen bagaj anyqtalyp, toqtatylǵan.
Esepti kezeńde 1459 ákimshilik materıal rásimdelip, 54 mln teńgeden astam aıyppul salyndy.
