Elimizde «Tele2 Qazaqstan» uıaly baılanys operatory iske qosylady

Atalǵan abonenttiń basqarma tóraǵasy Andreı Smelkov Shvetsııadan bastaý alatyn baılanystyń bul túrine Qazaqstan 11-shi el bolyp qosylǵaly otyrǵandyǵyn aıtady. «Qazaqstanda uıaly baılanys tarıfteri óte qymbat, ári abonenttik kompanııalar arasynda básekelestik joq. Sondyqtan bul jelini qosý óte tıimdi. Biz sapaly qural-jabdyqtardy paıdalana otyryp, basqa abonentterge qaraǵanda baılanys tarıfterin 20 paıyzǵa arzan ustaıtyn bolamyz», -deıdi A.Smelkov.

Aǵymdaǵy jyldyń 24 sáýirinde Aqtóbe qalasynda osy jeli iske qosylsa, odan keıin Almaty, Astana, Óskemen jáne basqa qalalar jyl sońyna deıin túgeldeı qamtylmaq.

«Tele2 Qazaqstan» - bul Tele2 eýropalyq telekommýnıkatsııalyq holdıngtiń usynyp otyrǵan uıaly baılanys operatory. Ol álem boıynsha 31 mıllıonǵa jýyq abonentti qamtamasyz etip, kabeldi teledıdar men keń jolaqty ınternet qyzmettin usynýda.