Elimizde tegin zań kómegin alýǵa quqyly azamattar sanaty keńeıedi

ASTANA. QazAqparat – QR Azamattyq protsestik kodeksine ózgeris engiziledi. ıAǵnı, endi tegin zań kómegin alatyndar qatary keńeıedi, dep habarlaıdy QazAqparat tilshisi.

Depýtattardyń bastamasymen tegin zań kómegi mynadaı máseleleri bar adamdarǵa kórsetiledi:

- alıment óndirip alý týraly daýlar boıynsha talap qoıýshylarǵa;

- kámeletke tolmaǵandardyń quqyqtary men múddelerin qozǵaıtyn daýlar boıynsha talap qoıýshylarǵa;

- «Arnaýly áleýmettik qyzmetter týraly» Qazaqstan Respýblıkasynyń Zańyna sáıkes, ómirlik qıyn jaǵdaıda júrgen talap qoıýshylarǵa;

- tehnogendik jáne tabıǵı sıpattaǵy tótenshe jaǵdaılar saldarynan keltirilgen zalaldy óteý boıynsha talap qoıýshylarǵa kórsetiledi.

Buǵan qosa, qandaı da bir iske «qorǵalýǵa quqyǵy bar kýá» mártebesinde qatysyp jatqan azamatqa tegin advokat kómegin alý múmkingi berilmek.