Elimizde Táýelsizdik kúnine oraı «Sergektik» kúni uıymdastyrylady
ASTANA. 2 jeltoqsan. QazAqparat /Jasulan Amanbaıuly/ - El Táýelsizdiginiń 20 jyldyǵy aıasynda 4 jeltoqsan kúni Qazaqstan boıynsha «Sergektik» kúni ótedi.
Bul týraly búgin baspasóz máslıhatynda QR Týrızm jáne sport mınıstrligi Sport komıtetiniń tóraǵasy Elsııar Qanaǵatov málim etti.
E. Qanaǵatovtyń aıtýynsha, qazirgi ýaqytta barlyq oblystarda júzdegen is-sharalardy ótkizýdiń jospary bektildi. Atalǵan buqaralyq sport merekesi kúni ashyq esik kúnderi, spartakıadalar men jarystar, jańadan salynǵan sporttyq keshenderdiń saltanatty ashylý rásimderi ótkiziledi.
«Bunyń barlyǵy halyqty buqaralyq sportqa tartý úshin jasalýda», - deıdi ol.
«Sergektik» kúni aıasynda Astanadaǵy Dáýlet sport kesheninde «Men sportty tańdaımyn» atty aýqymdy respýblıkalyq aktsııa bastalady. Onyń sheńberinde Astanada «Jastar» dene shynyqtyrý sport qoǵamynyń konferentsııasy, Olımpıada chempıondary men akrobattardyń óneri tamashalanyp, halyqaralyq sport sheberleriniń sheberlik synyptary uıymdastyrylady. Sonymen qatar Brazııalııanyń «Ole Brazıl» fýtbol akademııasynda 3 jyldan astam ýaqyt jattyqqan jas qazaqstandyq túlekterdiń oıyndary pash etiledi.
Sondaı-aq balalarǵa jáne jasóspirimderge arnalǵan jarystar legin ótkizý qarastyrylǵan.
