Elimizde tamyz aıynda aýa raıy qandaı bolady
NUR-SULTAN. QazAqparat – Tamyzda aıynda ortasha aýa temperatýrasy elimizdiń soltústik-batys bóliginde klımattyq normada, al ońtústik-shyǵys bóliginde normadan 1°S joǵary bolady. Bul týraly QazAqparat «Qazgıdromet» RMK-ǵa silteme jasap habarlaıdy.
Jaýyn-shashyn mólsheri respýblıkanyń basym bóliginde normaǵa jýyq, ortalyq, ońtústik, ońtústik-shyǵys jáne shyǵysta normadan tómen bolady.
Birinshi onkúndikte tsıklonnyń yqpalymen respýblıkanyń basym bóliginde kún kúrkirep, keı jerlerde qatty jańbyr jaýady, sondaı-aq jel kúsheıedi. Respýblıkanyń tek ońtústiginde ǵana kún ashyq bolady.
Birinshi onkúndikte batysta, soltústik-batysta aýa temperatýrasy 15-25 gradýs, soltústikte 17-25 gradýs, ortalyqta 25-33 gradýs, shyǵysta 30-38 gradýs, ońtústikte jáne ońtústik-shyǵysta 30-38 gradýs bolady.
Al, aıdyń basynda jyly aýa massalarynyń aýysyna baılanysty kún bulttanyp, aýa temperatýrasy kóteriledi. Batysta, soltústik-batysta temperatýra 23-31 gradýs, soltústikte 25-33 gradýs, ortalyq pen shyǵysta 33-39 gradýs, keı jerlerde 41 gradýsqa deıin ystyq bolady. Ońtústik jáne ońtústik-shyǵysta 33-39 gradýsqa deıin, keı jerlerde 43 gradýsqa deıin ystyq bolýy yqtımal.
