Elimizde tamaq óndirý kólemi 3,9% ósti

NUR-SULTAN. Qaz-Aqparat – Osy jyldyń tórt aıynda aýyl sharýashylyǵy óniminiń kólemi 3% ulǵaıyp, 831,2 mlrd teńgeni qurady. Bul týraly Úkimet otyrysynda QR Aýyl sharýashylyǵy mınıstri Saparhan Omarov aıtty, dep habarlaıdy QazAqparat tilshisi.

«Osy jyldyń tórt aıynda aýyl sharýashylyǵy óniminiń kólemi 3% ulǵaıyp, 831,2 mlrd teńgeni qurady. Bul ósim negizinen mal sharýashylyǵyndaǵy óndiris kóleminiń 3,2% ulǵaıýy esebinen qamtamasyz etildi. Máselen, et óndirý kólemi tirileı salmaqta 5,3%, sút 3,4% ósti. 44,8 mlrd teńgege ósimdik sharýashylyǵy óndirilip, jospar 100% oryndaldy», - deıdi Saparhan Omarov.

Onyń aıtýynsha, oblystar bólinisinde respýblıkalyq deńgeıden joǵary qarqyn 4 oblysta baıqalady.

Olar - Aqmola (114%), Qaraǵandy (104,5%), Pavlodar (104,1%) jáne Jambyl oblystary (103,1%).

«Al tamaq óndirý kólemi 3,9% ósti. Aýyl sharýashylyǵynyń negizgi kapıtalyna salynǵan ınvestıtsııa kólemi 66,1% ulǵaısa, tamaq ónimderi óndirisine salynǵan ınvestıtsııa 37,3% artty», - deıdi ol.