Elimizde taǵy úsh oblysta eskertý jarııalandy
ASTANA. QazAqparat - Qyzylorda, Qostanaı jáne Shyǵys Qazaqstan oblystarynda aýa raıyna qatysty eskertý jarııalandy, dep habarlaıdy Qazgıdromet.
31 mamyrda Qyzylorda oblysynyń keı jerlerinde shańdy daýyl bolady, soltústikten soqqan jeldiń baǵyty ońtústikke aýysyp, jyldamdyǵy 15-20, kúndiz onyń ekpini 23 m/s-ke jetýi múmkin.
Shyǵys Qazaqstan oblysynda 31 mamyrda túnde 2 gradýs qatqaq bolýy yqtımal. Keı jerlerde jańbyr jaýyp, taýly jerlerde jaýyn-shashyn (jańbyr, qar aralas jańbyr) jaýady, naızaǵaı oınap, kúndiz burshaq túsedi dep boljanýda. Jeldiń uıytqýy 15-20 m/s, keı jerlerde 23-28 m/s.
31 mamyrda Qostanaı oblysynda naızaǵaı oınap, daýyl bolady. Sondaı-aq, burshaq jaýyp, ońtústik-batystan jel turady. Onyń jyldamdyǵy 15-20 m/s, kúndiz keı jerlerde 23-28 m/s bolady.
