Elimizde taǵaıyndalǵan ortasha zeınetaqy 71 myń teńgeden asty

NUR-SULTAN. QazAqparat - Elimizde 2 248 177 zeınetker bar. Bul jaıynda Ulttyq statıstıka bıýrosynan málim etti, dep habarlaıdy QazAqparat tilshisi.

«2022 jylǵy I toqsanǵa jasy boıynsha zeınetkerler sany 2 248 177 adam bolsa, taǵaıyndalǵan ortasha zeınetaqy mólsheri áleýetti qurylymdar esebimen 71 889 teńgeni qurady. Memlekettik bazalyq zeınetaqy tóleminiń ortasha mólsheri 2022 jylyǵy I toqsanǵa 32 455 teńge boldy. 2022 jylǵy I toqsanǵa taǵaıyndalǵan turǵyn úı kómeginiń ortasha mólsheri – 7 486,2 teńge, ony 18 837 otbasy aldy. 2022 jylǵy qańtar-maýsymda taǵaıyndalǵan ataýly áleýmettik kómektiń ortasha mólsheri – 6 657 teńge, ol 592 298 adamǵa berildi», - delingen bıýro aqparatynda.