Elimizde tabysy tómen otbasylarǵa arnalǵan joba bastalady
«Qazaqstannyń barlyq óńirlerinde az qamtylǵan, kóp balaly jáne múgedek balalardy tárbıelep otyrǵan otbasylardyń kásipkerlik daǵdylaryn damytýǵa jáne olardyń óz isin ashýyna qoldaý kórsetýge baǵyttalǵan «Meniń kásibim» atty joba iske qosylady. Bul jobany jergilikti atqarýshy organdardyń qoldaýymen onyń avtory Aıjan Nurlanova júzege asyrady. Jalpy úılestirýdi QR Eńbek jáne halyqty áleýmettik qorǵaý mınıstrligi júrgizedi», - delingen Eńbek mınıstrligi taratqan aqparatta.
Vedomstvo málimetinshe, 20 qyrkúıekte Almaty ákimdigi men «Meniń kásibim» jobasynyń avtory Aıjanı Nurlanova arasynda alǵashqy tıisti memorandýmǵa qol qoıý josparlanǵan.
Aldaǵy ýaqytta osyndaı memorandýmdar barlyq oblystardyń, respýblıkalyq mańyzy bar qalalardyń jáne elordanyń ákimdikterimen jasalady.
Joba aıasynda joba avtory muqtaj azamattarǵa qajetti múkámmal, qural-jabdyqtar men materıaldardy usyný arqyly úı bıznesin júrgizýge kómek kórsetiledi.
Bul jobany Aıjanı Nurlanova ilki rejimde Mańǵystaý oblysynda sátti júzege asyrdy. Atalǵan óńirde 250-ge jýyq adam jeke kásipkerlik júrgizýdiń negizgi daǵdylaryn oqyp, jeke isterin ashty.
