Elimizde tabys ákeletin tumarǵa balanatyn «Taǵa» monetasy shyǵaryldy
ALMATY. QazAqparat - Ulttyq bank 4 naýryzdan bastap «Taǵa» eskertkish monetalaryn aınalymǵa shyǵardy. Bul týraly QR Ulttyq bankiniń baspasóz qyzmeti habarlady.
«Sıqyrly nyshandar» monetalar serııasynan «proof» sapaly kúmisten nomınaly 100 teńgelik «Taǵa» eskertkish kúmis monetasy taǵa tárizdes kúrdeli pishinde jasalǵan.
Taǵany úıge sáttilik, tabys, baılyq ákeletin, ári eń ejelgi jáne eń tanymal tumar dep sanaıtyndar bar. Mundaı nanym álemniń túrli elderinde keńinen taraǵan. Keletin baq aǵyp ketpesin dep taǵanyń ushyn joǵary qaratady. Monetanyń bet jaǵynda (aversinde) ortalyq bóliginde monetanyń nomınalyn bildiretin «100 TEŃGE» degen jazý jáne moneta daıyndalǵan metaldy, onyń synamy men massasyn bildiretin «Ag 925 31.1 g» degen jazý bar.
Monetanyń joǵarǵy bóliginde stıldendirilgen taǵanyń ushynda QR Ulttyq Bankiniń logotıpi jáne Qazaqstan teńge saraıynyń taýar belgisi ornalasqan.
Monetanyń syrt jaǵynda (reversinde) altyn jalatylǵan taǵa beınesi ornatylǵan, ortasynda spıral ornalasqan, ony aınaldyra aǵylshyn tilinde
«FOR LUCK», memlekettik tilde «ІSKE SÁT» jáne orys tilinde «NA SChASTЬE» degen jazýlar bar. Joǵarǵy bóliginde soǵylǵan jylyn bildiretin «2016» degen san berilgen.
925 synamaly kúmisten daıyndalǵan monetanyń taralymy 6 myń dana.
Monetalardy Ulttyq Banktiń barlyq fılıaldarynda, sondaı-aq www.nationalbank.kz saıtyndaǵy Internet dúken arqyly satyp alýǵa bolady.
