Elimizde suıytylǵan gazdyń jańa shekti kóterme saýda baǵasy kúshine endi
«Gaz jáne gazben jabdyqtaý týraly» QR Zańyna sáıkes QR Energetıka mınıstrligi jyl saıyn 1 shildeden bastap óndirýshi zaýyttar úshin suıytylǵan munaı gazynyń kóterme saýda baǵasyn belgileıdi.
Belgilengen shekti kóterme saýda baǵamen tonnasyna 33 600 teńge (QQS eseptemegende) zaýytqa baılanysty suıytylǵan munaı gazyn óndirýdiń ózindik quny tonnasyna 42 000-72 000 teńgeni quraıdy.
Aıta ketý kerek, 2022 jyly Qazaqstanda suıytylǵan munaı gazynyń óndirisi 2021 jylmen salystyrǵanda 400 000 tonnaǵa nemese 10% - ǵa tómendedi.
Osyǵan uqsas kezeńde Qazaqstanda suıytylǵan gazdy tutyný 400 000 tonnaǵa ósip, 1,8 mln tonnany qurady (2021 jylmen salystyrǵanda 28%-ǵa ósti).
Óndiristiń tómendeýiniń negizgi sebepteriniń biri - ınvestıtsııalyq tartymdylyqtyń bolmaýy. Óndirýshi zaýyttar suıytylǵan munaı gazyn ózindik qunynan tómen satady.
Halyqtyń qajettiligin jabý jáne osy ónimdi óndirýdi yntalandyrý maqsatynda «Qazaqstan Respýblıkasynyń taýar bırjalarynan tys ishki naryǵyna suıytylǵan munaı gazyn jetkizý jospary sheńberinde ótkiziletin suıytylǵan munaı gazynyń shekti baǵasyn bekitý týraly» QR Energetıka mınıstriniń buıryǵymen óndirýshi zaýyttardan suıytylǵan munaı gazynyń shekti kóterme saýda baǵasyn tonnasyna 33 600 teńgeden 40 320 teńgege deıin kóterdi (QQS-syz (2023 jylǵy 26 maýsymdaǵy №238 buıryq).
Bul rette suıytylǵan munaı gazynyń shekti bólshek saýda baǵasy óńirge baılanysty 1 lıtrine 4-6 teńgege ósti.
