Elimizde sút ónerkásibinde jańa tehnologııalardy ıelenýge granttar bólindi

ASTANA. QazAqparat -  Qazaqstannyń sút óndirýshi ónerkásip ıelerine jańa tehnologııalardy ıelenýi úshin arnaıy granttar bólindi. Bul týraly QR AShM Mal sharýashylyǵy ónimderin óndirý jáne qaıta óńdeý departamentiniń dırektory Erkebulan Ahmetov málim etti, dep habarlaıdy QazAqparat tilshisi.

«Bıyldan bastap Elbasynyń tapsyrmasyna sáıkes aýyl sharýashylyǵy sektorynda ǵylymı zertteý mekemelerimen birlesken jobalardy júzege asyrýdamyz. ıAǵnı salada jańa tehnologııalardy engizý arqyly ónim men onyń sapasyn arttyrýdy qolǵa alýdamyz. Osy turǵyda sút óndirisindegi jańa tehnologııalardy engizý boıynsha granttar bólindi,  qazirde baǵdarlama iske qosylyp elimiz boıynsha 10 pılottyq joba óz jumysyn bastap ketti», - dedi Erkebulan Ahmetov.

Onyń aıtýynsha, jalpy baǵdarlama sútti iri qara mal sharýashylyǵy, januıalyq mal sharýashylyǵy, etti baǵyttaǵy iri qarany kóbeıtý jáne qoı sharýashylyǵy sekildi 4  model boıynsha júrgiziledi. 

«Biz fermerlerge jańa tehnologııany belgili sharttar boıynsha nesıesiz tegin beremiz. Naqtyraq aıtqanda, fermer ǵylymı ınstıtýtpen 3 jylǵa kelisimshartqa otyrady, ol boıynsha óz fermasynda ǵylymı jumystar júrgizýge múmkindik jasaýy tıis, ıaǵnı ǵylym mamandary maldy azyqtandyrý, uryqtandyrý, ónim sapasyn arttyrý boıynsha jumystar júrgizedi. Bundaǵy maqsat-  sút óndirýshiler men ǵylymı mamandardyń birlesip jumys isteýi arqyly ónimniń sapasy men sanyn arttyrý», - dedi ol.

Buǵan deıin habarlaǵanymyzdaı, búgin Astanada otandyq sút óndirýshilerdiń IV kongresi ótip jatyr, onda belgili bolǵandaı elimizde sút ónerkásibin sýbsıdııalaý qaıta qolǵa alyndy. 

Aıta ketsek, Elbasy óziniń ústimizdegi jyldyń 5 qazandaǵy Joldaýynda agroónerkásip kesheniniń áleýetine qatysty eńbek ónimdiligi men qaıta óńdelgen aýyl sharýashylyǵy óniminiń eksportyn 2022 jylǵa qaraı 2,5 ese kóbeıtý kerektigin aıtyp ótken bolatyn.
Osy maqsatta Úkimetke aldaǵy 3 jyl ishinde qosymsha keminde 100 mlrd teńge qarastyrýdy tapsyrdy.