Elimizde sýsyn shyǵarý kólemi ósti
NUR-SULTAN. QazAqparat – Qazaqstandaǵy kompanııalar mıneraldy sýdy óndirýdi bir jylda 18 paıyzǵa, al basqa da sýsyndardy shyǵarýdy 30 paıyzǵa arttyrdy. Bul týraly QazAqparat EnergyProm-ǵa silteme jasap habarlaıdy.
«Birinshi jartyjyldyqta alkogolsiz sýsyndardy óndirýshiler 334,4 mln lıtr mıneraldy jáne gazdalǵan sýdy, sondaı-aq 774,6 mln lıtr ózge de alkogolsiz sýsyndy shyǵardy», - delingen habarlamada.
Aıta keteıik, 2019 jylǵy qańtar-sáýir qorytyndysy boıynsha qazaqstandyq óndirýshiler sýsyndar men sýǵa suranystyń 92,4 paıyzyn qamtydy. Import úlesine tek 7,6 paıyz tıesili boldy. Degenmen de ımport kólemi jyl ishinde birden 13,7 paıyzǵa ósti. Resýrstyń tek 4,6 paıyzy eksportqa baǵyttalyp, qalǵany el aýmyǵynda satylady.
