Elimizde sýdy tıimsiz paıdalaný kólemi qandaı
NUR-SULTAN. QazAqparat – Sýdy tıimsiz paıdalaný kólemi 3 tekshe shaqyrymǵa jetti. Bul týraly Úkimet otyrysynda kanaldar men sý qoımalaryn salýdy talqylaý kezinde QR Ekologııa, geologııa jáne tabıǵı resýrstar mınıstri Serikqalı Brekeshev málim etti, dep habarlaıdy QazAqparat tilshisi.
«Sizderge elimizdiń ózender aǵynynyń qalaı qalyptasatyny týraly qysqasha aıtyp óteıin. Qazaqstannyń sý resýrstarynyń kólemi 90 -100 tekshe shaqyrymdy quraıdy. Onyń ishinde 50,8 tekshe kılometr – jergilikti aǵyn, al qalǵany 39,2 tekshe kılometr – Qytaıdan, Ortalyq Azııa elderinen jáne Reseıden transshekaralyq ózender arqyly kelip túsedi. Jer asty sýlarynyń qory 3,5 myńnan astam ken oryndarynda barlanǵan. Ol jylyna 15,5 tekshe shaqyrymdy quraıdy», - dedi S. Brekeshev.
Onyń aıtýynsha, byltyr elimiz boıynsha sý tartý 24,9 tekshe kılometrdi qurady, onyń ishinde 15 tekshe kılometr (65%) sý aýyl sharýashylyǵynyń muqtajdyqtaryna jumsaldy.
«Sýdy tıimsiz qoldaný 3 tekshe shaqyrymǵa jetti», - dedi mınıstr.
