Elimizde sý kóligindegi oqıǵalar sany úsh esege qysqardy
ASTANA. QazAqparat - Qazaqstanda sý kóligindegi oqıǵalar sany aıtarlyqtaı qysqardy, dep habarlaıdy QazAqparat QR IDM baspasóz qyzmetine silteme jasap.
Aıta keterligi, 2016 jyly 23 oqıǵa bolsa, 2017 jyly 8 oqıǵa tirkelgen. «Bıyl kemelerdiń nashar tehnıkalyq jaǵdaıy men keme júzetin sý joldaryn durys kútip-ustamaý sııaqty flottaǵy apatqa sebep bolatyn problemalar joıylyp, sý kóligi oqıǵalaryn boldyrmaýǵa qol jetkizildi», -delingen habarlamada.
Bıyl 1 885 shaǵyn kólemdi, 177 ózen jáne 93 teńiz kemesi tirkeldi. Komandalyq kuramnyń 109 múshesi attestatsııadan ótip, 129 adamǵa dıplom berildi.
Kólikti baqylaý ınspektsııalary paıdalanymdaǵy 8 574 kemeni tekserip, 1 014 ákimshilik quqyq buzýshylyqty anyqtaǵan jáne 6 237 tehnıkalyq kýálandyrý jumystaryn júrgizgen. Sonymen qatar, keme júzetin sý joldarynyń 13 myń shaqyrymnan astamy qaralyp, 15 zań buzýshylyqty joıýǵa nusqamalar berilgen.
Eske sala ketsek, búgingi kúni Qazaqstanda 323 teńiz, 765 ózen jáne 19 myń shaǵyn kólemdi keme tirkelgen. Keme júzetin sý joldarynyń uzaqtyǵy 4 myń shaqyrymdy quraıdy.
