Elimizde sportpen júıeli túrde shuǵyldanýshylardyń sany 2 mln. 900 myń adamdy quraıdy - T. Dosmuhambetov
ANA. 28 naýryz. QazAqparat /Qanat Mámetqazyuly/ - Elimizde sportpen júıeli túrde shuǵyldanýshylardyń sany 2 mln. 900 myń adamdy quraıdy.
Bul týraly búgin QR Parlamenti Májilisinde ótken Úkimet saǵatynda Týrızm jáne sport mınıstri Temirhan Dosmuhambetov osylaı málim etti.
Vedomstvo basshysynyń aıtýynsha, ótken jyldardan beri júzege asyp jatqan Jol kartasy baǵdarlamasy elimizdegi sporttyq ınfraqurylymdardy damytýǵa da mańyzdy úles qosqan. Máselen, byltyr Jol kartasynyń arqasynda únemdelgen qarajat esebinen 12 oblysta 64 nysan jóndeýden ótken. Bul rette 2010 jyly elimizdegi barlyq sport ǵımarattarynyń jıyntyǵy 936 birlikke artyp, búgingi kúni olardyń sany 31 myńnan asqan. «Nátıjesinde byltyrdan beri 380 myń adam dene shynyqtyrýmen jáne sportpen júıeli túrde shuǵyldanýshylardyń qataryn tolyqtyryp otyr. Jalpy alǵanda olardyń sany 2 mln. 900 myń adamdy nemese halyqtyń 17,7 paıyzyn quraıdy», - dedi T. Dosmuhambetov. Mınıstrdiń aıtýynsha, byltyr elimizde 17 myńnan astam buqaralyq-sporttyq is-sharalar ótkizilgen. Bunyń 10 myńǵa jýyǵy aýyldyq jerlerde ótse, sondaı jarystarǵa 3,5 mln.-nan astam adam qatysqan.
