Elimizde sport jattyǵýlaryn ótkizýge ruqsat beriledi
NUR-SULTAN. QazAqparat - Qazaqstanda sporttyq jattyǵýlar men mádenıet qyzmetkerleriniń daıyndyq jumystaryna ruqsat beriledi. Bul týraly QR Premer-Mınıstriniń birinshi orynbasary Eraly Toǵjanov aıtyp berdi, dep habarlaıdy QazAqparat tilshisi.
«Sporttyq jattyǵýlar men mádenıet qyzmetkerleriniń daıyndyq jumystaryna ruqsat beriledi. Jumys isteıtin ata-analar úshin balabaqshalarda kezekshi toptar jumys isteıdi. Onda barlyq sanıtarlyq talaptar saqtalady», - dedi E. Toǵjanov Úkimette ótken onlaın brıfıngte.
Sonymen birge, E. Toǵjanov kez kelgen buqaralyq sharaǵa tyıym salynatynyn atap ótti.
Aıta keteıik, Memleket basshysy Qasym-Jomart Toqaev búgin Qazaqstandaǵy tótenshe jaǵdaı rejımi toqtaǵanyn habarlaǵan edi. Biraq, elimizde karantın rejımi áli de saqtalady.
