Elimizde sport kommentatorlaryna kastıng jarııalanady
ASTANA. QazAqparat - Til dıktsııasy-sózdiń, býynnyń anyq bolýy, daýysy jaǵymdy, oıyn erkin jetkize alatyn azamattar úshin «QAZSPORT» telearnasy sport kommentatorlaryna kastıngin jarııalaıdy. Bul týraly QazAqparat telearnanyń baspasóz qyzmetine silteme jasap habarlaıdy.
Іrikteý sharalary 15-16 naýryz kúnderi ótkiziledi. Kastıngtiń maqsaty - telearna kommentatorlarynyń qataryn jańa esimdermen tolyqtyrý. Ótken jyldardaǵy kastıngter barysynda 500-den asa úmitker tyńdalyp, ozyp shyqqan 46 kommentator qazir telearnada jemisti eńbek etýde.
Naýryz aıynda ótetin 2019 jyldyń alǵashqy kastınginde irikteletin kommentatorlar fýtbol, basketbol, hokkeı, boks, voleıbol, ulttyq sport jáne basqa da arnanyń negizin quraıtyn sport túrlerin jetik meńgergen ámbebap; jekelegen sport túrlerin zerttep júrgen; qazaq nemese orys tilderinde oıyn erkin jetkize alatyn; jasy 21-ge tolǵan Qazaqstan Respýblıkasynyń azamattary arasynan tańdalady.
Kastıng 2019 jyly 15-16 naýryz kúnderi Astana qalasy, Máskeý kóshesi 33A, «QAZSPORT» telearnasynyń ǵımaratynda ótedi.
Úmitkerlerdiń rezıýmeleri 2019 jyldyń 12 naýryzy kúni keshki saǵat 20:00 - ge deıin kazsporttv.kz@mail.ru el.poshtasy arqyly qabyldanady. Іrikteýge korporatıvti elektrondy poshta nemese ózge adamdardyń atynan jiberilgen rezıýme ıeleri jiberilmeıdi. «QAZSPORT» telearnasy kastıngke qatysýǵa úmitti azamattardan óz ýaqyttaryn únemdeý úshin tyńǵylyqty daıyndalyp, irikteý jumysyna jaýapkershilikpen qaraýdy suraıdy.
