Elimizde sońǵy bir aptada 3 myńnan astam qylmys jasalǵan
NUR-SULTAN. QazAqparat – QR Іshki ister mınıstrliginiń resmı ókili Nurdilda Oraz Facebook paraqshasynda ótken turmystyq zorlyq-zombylyqqa qarsy kúres týraly onlaın brıfıngte ótken aptada elimizde qandaı qylmystar jasalǵanyn aıtty, dep habarlaıdy QazAqparat tilshisi.
«Bir apta ishinde 3363 qylmys jasalsa, onyń 2185-i bir táýlik ishinde ashylǵan. 15 kisi óltirý faktisi tirkeldi, onyń 7 jaǵdaıynda qasaqana densaýlyqqa aýyr zııan keltirilip, saldarynan jábirlenýshi qaıtys boldy», - dep atap ótti QR Іshki ister mınıstrliginiń resmı ókili Nurdildá Oraz.
Onyń aıtýynsha, aýyr qylmystardyń basym bóligi otbasylyq-turmystyq salaǵa qatysty bolǵan.
