Elimizde sıyr men jylqy etiniń baǵasy qymbattady
ASTANA. QazAqparat - Aǵymdaǵy jyldyń qyrkúıeginde aýyl sharýashylyǵy ónimderi 1,2 paıyzǵa qymbattady, dep habarlaıdy QazAqparat tilshisi.
«Aǵymdaǵy jylǵy qyrkúıekte 2017 jylǵy jeltoqsanmen salystyrǵanda aýyl sharýashylyǵy qurylymdary ótkizgen aýyl sharýashylyǵy ónimi 1,2, ósimdik sharýashylyǵy ónimi - 2,2 paıyzǵa qymbattady, al mal sharýashylyǵy ónimi 0,7 paıyzǵa arzandady», - delingen QR Ulttyq ekonomıka mınıstrligi taratqan málimette.
Vedomstvo aqparatyna sáıkes, qańtar-qyrkúıekte baǵa bıdaıǵa 4,4, sulyǵa - 4,3, qara bıdaıǵa - 3,9, júgerige 3,4, kúrishke - 2,9, arpaǵa - 0,8 paıyzǵa ósip, qaraqumyqqa 9,3 paıyzǵa tómendedi.
Qyryqqabat 1,8, ashanalyq qyzylsha - 0,5 paıyzǵa qymbattady, al kartop 8,3, basty pııaz - 5,4, ashanalyq sábiz - 5, ashyq topyraqtyń qyzanaqtary - 4,9, ashyq topyraqtyń qııarlary - 2,4 paıyzǵa arzandady. Baǵa baqsha daqyldaryna 6,3, júzimge - 5,8, kúnbaǵys tuqymyna - 2,2 paıyzǵa ósti, al jemis jáne jıdekterge 9 paıyzǵa arzandady.
Іri qara mal eti 3,4, jylqy eti - 2,7, qoı jáne shoshqa eti - 1,7 paıyzǵa qymbattady, al qus eti 9,5 paıyza arzandady. Baǵa jumyrtqaǵa 12,3 paıyzǵa tómendedi, al shıki sútke 1,2, balǵa - 0,5 paıyzǵa ósti.
