Elimizde shóleıttený úderisi artyp, sý resýrstarynyń tapshylyǵy týyndaýy yqtımal - QR QOSRM
ASTANA. QazAqparat - QR Qorshaǵan orta jáne sý resýrstary mınıstr Nurlan Qapparov topyraqtyń qunarsyzdanýy men sýdyń tapshylyǵyn boljap otyr.
Bul jaıynda vedomstvo basshysy búgin Ortalyq kommýnıkatsııalar qyzmetindegi brıfıngte málim etti.
Mınıstrdiń sózine qaraǵanda, klımattyń ózgerýi Qazaqstanǵa da tikeleı áser etedi. Máselen, elimizdegi ortasha temperatýra Tselsıı boıynsha 0,85 gradýsqa joǵarylamaq. Bul bul óz kezeginde álemdik ortasha kórsetkishten joǵary.
«Elimiz teńizderdiń jaǵalaýynda ornalaspaǵandyqtan, ózge óńirlerge qaraǵanda, bizdiń aımaq klımattyń ózgerýi problemasyna kóbirek tap bolýy múmkin. Shóleıttený úderisi arta túsedi. Jerdiń qunarsyzdanýy, sý resýrstarynyń tapshylyǵy sekildi problemalar aldymyzdan shyǵýy yqtımal», - dedi N. Qapparov.
Munymen qosa, ol sý tapshylyǵy máselesi barlyq óńirlerde týyndaýy múmkindigin joqqa shyǵarmady.
Vedomstvo basshysynyń aıtýynsha, sý tapshylyǵymen kúres sharalary sý resýrstaryn basqarý boıynsha memlekettik baǵdarlamada naqty belgilenip, josparly jumystar atqarylýda.
