Elimizde shamamen 30 myńǵa jýyq polıtsııa qyzmetkeri baspanasyz - Q.Qasymov
ASTANA. 28 mamyr. QazAqparat - Elimizde shamamen 30 myńǵa jýyq polıtsııa qyzmetkeri baspanasyz. Bul týraly búgin QR Prezıdenti janyndaǵy Adam quqyqtary jónindegi komıssııanyń keńeıtilgen otyrysynda QR Іshki ister mınıstri Qalmuhanbet Qasymov málim etti.
«Zańǵa sáıkes qyzmetkerler memlekettik turǵyn úı qorynan birinshi kezekte baspanamen qamtamasyz etilý quqyǵyn paıdalanady. Degenmen qyzmettik turǵyn úı qurylysyna memlekettik bıýdjetten qarjy bólinbeıdi. Buǵan qosa memlekettik turǵyn úı qorynan qyzmettik boryshyn óteý barysynda qaza tapqan qyzmetkerlerdiń otbasyna baspana bólý normasy jumys istemeıdi. Biraq zańnamada qaza tapqan qyzmetkerlerdiń otbasy músheleri halyqtyń áleýmettik turǵyda az qamtylǵan bóligine jatady. Osyǵan oraı baspana qajetsinetin qyzmetkerler sany jyl saıyn artýda. 1 sáýirdegi jaǵdaı boıynsha mundaı qyzmetkerler 29 myń adamnan asyp túsedi», - dedi ol.
