Elimizde shaǵyn jáne orta kásiporyndar beldeýi qurylady
«Tústi metallýrgııada 2021 jylǵa josparly kórsetkish - 104,5 paıyz. Myrysh óndirý kólemi 18,6, qorǵasyn 18,8, mys kontsentraty 9, alıýmınıı 6 paıyz ulǵaıtylady. Bloomberg boljamyna qarasaq, qysqa merzimdi perspektıvada tústi metaldardyń barlyq túri boıynsha baǵa kóterilýi tıis. Osyǵan baılanysty nomınaldy mánde tústi metallýrgııa óndirisiniń ósimi 13 paıyz deńgeıinde boljanyp otyr. Bul óndiristiń josparlanǵan kólemin qamtamasyz etedi», - dedi óńdeý ónerkásibin damytý jaıynda baıandaǵan mınıstr.
Beıbit Atamqulovtyń aıtýynsha, Jáırem ken baıytý kásiporny, Kazmınerals Aqtoǵaı 2 jáne Sátbaev taý-ken baıytý kásiporny, sondaı-aq altyn shyǵarý fabrıkalary óndiristiń qosymsha kólemin beretin bolady.
«Іri taý-ken metallýrgııa kásiporyndarynyń suranysyna baılanysty klasterlik tásilmen ındýstrııalyq ortalyqtar aınalasynda shaǵyn jáne orta kásiporyndar beldeýin qurý jumysy júrgiziledi. 2025 jylǵa deıingi merzimde Almaty oblysynda Kóksaı mys ken ornyn ıgerý jobasy iske asyrylady jáne qýaty 250 myń tonna bastapqy alıýmınıı bolatyn Pavlodar qalasyndaǵy «Qazaqstandyq elektrolız zaýytynyń» ekinshi kezegi salynady», - dedi ol.