Elimizde shaǵyn jáne orta bıznestegi franchaızıngtiń úlesi 3 paıyzdan aspaıdy - QR Franchaızıng qaýymdastyǵynyń tóraǵasy
ALMATY. Naýryzdyń 3-i. QazAqparat /Erlik Erjanuly/ - Búgin Almatyda «Franchaızıng - ózektiligi, problematıkasy, sheshý joldary» dep atalatyn respýblıkalyq konferentsııa ótip jatyr,
dep habarlaıdy QazAqparat.
«Bul konferentsııanyń mindeti - franchaızıngtiń múmkindikteri men shaǵyn jáne orta bızneske qatysty ózekti máselelerdi belgileý.Franchaızıngti qoldanyp shaǵyn jáne orta bıznesti damytý úshin bıznestiń Damý ınstıtýttary men Memlekettik mekemelermen yqpaldasýyna usynystar ázirleý. Franchaızınti damytýǵa qatysty «Damý» qory men QR Franchaızıng qaýymdastyǵynyń naqty mindetterin aıqyndaý», deıdi qaýymdastyq tóraǵasy Vıacheslav Sıdelnıkov. Onyń aıtýynsha, QR Franchaızıng qaýymdastyǵy tarapynan osy ýaqytqa deıin merzimdi basylymdarda 50-den astam materıal jarııalanyp, forým, kórme, konferentsııa, dóńgelek ústel jıyny sııaqty 32 qoǵamdyq jáne 26 bilim berý sharalary uıymdastyryldy. Arnaıy almanah pen Jarshy shyǵarylyp, 3 ınternet saıt jumys istep kele jatyr. Jalpy qazirgi tańda respýblıkada shaǵyn jáne orta bıznestegi franchaızıngtiń úlesi 3 paıyzdan aspaıdy. Kásipkerlik belsendilikti yntalandyrýshy jáne shaǵyn jáne orta bıznesti júıelendirýshi bolyp tabylatyn franchaızıngtiń ekonomıkany órkendetýdegi róli orasan. Alaıda ol áli kúnge deıin óz deńgeıinde paıdalanylmaı otyr.
