Elimizde senimhattardy onlaın alýǵa bolady

ASTANA. QazAqparat – Búgin el aýmaǵynda «Tsıfrlyq notarıat» atty pılottyq joba iske qosyldy. Endigi ýaqytta qazaqstandyqtar senimhattardy notarıýsqa barmaı-aq onlaın rásimdeı alady, dep habarlaıdy QazAqparat tilshisi.

Jańa tsıfrlyq jobany Ádilet jáne Tsıfrlyq damý, ınnovatsııalar jáne aeroǵarysh ónerkásibi mınıstrligi birlesip qolǵa alyp otyr.

Mınıstrlerdiń aıtýynsha, osyǵan deıin klıentter senimhatty rásimdeý úshin qujatqa qol qoıdyryp, ony notarıýsqa baryp kýálandyrýy kerek bolsa, endi atalǵan qyzmet eGov mobile mobıldi qosymshasynda onlaın qoljetimdi.

«Memleket basshysy eGov mobile mobıldi qosymshasy bazasynda memleket, halyq jáne bıznestiń ózara is-qımyly úshin tıisti tsıfrlyq ınfraqurylymdy qurýdy tapsyrǵan bolatyn. Búgingi tusaýy kesilip jatqan «Tsıfrlyq notarıýs» pılottyq jobasy sol baǵyttaǵy jumystardyń biri. Qyzmet alýda qazaqstandyqtardyń ómirin jeńildetý baǵytynda paıdaly jobalardy júzege asyrýdy jalǵastyramyz», - dedi Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın.

eGov mobile mobıldi qosymshasynda senimhatty rásimdeý nusqaýlyǵy:

- Aldymen ótinimdi toltyryp, oǵan elektrondy tsıfrlyq qol qoıý qajet;

- Jeke basyn rastaý úshin notarıýs qyzmetkerine beınebaqylaý arqyly qońyraý shalý kerek;

- Kórsetilgen qyzmettiń aqysyn tóleýi tıis;

- Sandyq qujattar bóliminde senimhat daıyn turady.