Elimizde san soǵyp qalǵan paı ıeleri kóp – zańger

NUR-SULTAN. QazAqaparat – Elimizde ádildik izdep júrgen paı ıeleri, ıaǵnı shartty jer úlesi ıeleri bar. Olar paılaryn JShS-larǵa berip tastaǵan. Bul týraly QR Aýyl sharýashylyǵy mınıstrligi jer reformasy komıssııasynyń otyrysynda zańger Baqytjan Bazarbek aıtty, dep habarlaıdy QazAqparat tilshisi.

«Elimizde ádildik izdep júrgen paı ıeleri, ıaǵnı shartty jer úlesi ıeleri bar. Olar 2004 jyly ózderiniń paılaryn JShS-larǵa berip tastaǵan. JShS basshylary 1-2 jyl olarǵa dıvıdend berip, ary qaraı berýdi umytyp ketken. Shartty jer úlesi ıeleri amalsyzdan sotqa, prokýratýraǵa, ákimdikterge shaǵymdanyp júr», - deıdi «Bazarbek&Partners» zań kompanııasynyń bas dırektory Bazarbek Jumabekuly.

Ol bul máseleni sheshý jolyn aıtty.

«Bul máseleni bir ǵana ádispen sheshýge bolady: Jer kodeksiniń 65-babynda jer paıdalanýshylarynyń mindettemeleri jazylǵan. Ol mindetteme boıynsha barlyq paı ıeleriniń jerleri JShS basshylyǵynyń atyna rásimdeledi. Jer kodeksiniń 65-babynda jer paıdalanýshylarynyń mindettemeleriniń qataryna paı ıelerimen bekitken kelisimshartty oryndaý kerektigi týraly talapty engizsek, paı ıeleri JShS basshylary dıvıdend berýden jaltarǵan jaǵdaıda sotqa shaǵymdanýǵa quqyly bolady. Qazirgi jaǵdaıda paı ıeleri sotqa shaǵymdana almaıdy, sebebi bul turǵyda olardyń quqyǵy qorǵalmaǵan, ondaı norma joq. Sondyqtan osy normany 65-bapqa engizý kerek», - deıdi ol.