Elimizde salynatyn kez kelgen magıstraldyq qubyrǵa memlekettiń basym quqyǵy qamtylady - Májilis otyrysy
ASTANA. 11 mamyr. QazAqparat - Elimizde salynatyn kez kelgen magıstraldyq qubyrlarǵa memlekettiń basym quqyǵy qamtylady.
Bul týraly búgin Májiliste «Magıstraldyq qubyr týraly» zań jobasynyń tanystyrylymy barysynda Munaı jáne gaz mınıstrliginiń jaýapty hatshysy Qanatbek Safınov málim etti.
Jaýapty hatshynyń aıtýynsha, zań jobasy el ekonomıkasy úshin strategııalyq mánge ıe magıstraldy qubyrlar salasyndaǵy retteý joly arqyly Qazaqstannyń ekonomıkalyq jáne energetıkalyq qaýipsizdigin nyǵaıtýǵa baǵyttalady. «Zań jobasy qabyldansa elimizde qaıta salynatyn kez kelgen (memlekettik ne jekemenshik bolsa da) magıstraldyq qubyrlarǵa memlekettiń qatysýyn qamtıtyn basym quqyǵy bekitiletin bolady. Birinshi kezekte qubyrlardy salýda memlekettiń ekonomıkalyq múddesi qorǵalatyn bolady»,- deıdi Qanatbek Safınov.
Onyń aıtýynsha, TMD keńistigindegi barlyq derlik memleketter magıstraldyq qubyrlarǵa qatysty qatynasty retke keltiretin zań aktilerin qabyldaǵan. Al Qazaqstanǵa kelsek, bul saladaǵy qoldanystaǵy zańnamada tek qana strategııalyq nysandarǵa jatqyzylǵan magıstraldyq qubyrlardy ıelený men ıesizdendirý máselelerin ǵana retteıdi.
«Al jańa zań jobasynda biz qoldanystaǵy ǵana emes, jańadan salynatyn magıstraldy qubyrlarǵa memlekettiń basym quqyqtaryn bekitetin bolamyz. Jalpy, zań jobasyn qabyldaý birqatar oń quqyqtyq, áleýmettik-ekonomıkalyq salalarǵa jol ashady. Atap aıtqanda, birinshiden elimizdegi magıstraldyq qubyrlar qatynasyndaǵy máseleler tolyǵymen quqyqtyq retteletin bolady. Memlekettik organdardyń ókilettigi naqtylanady», - deıdi Q. Safınov.
