Elimizde salyq salý jáne keden ákimshiliginiń «ASTANA-1» júıesi qanatqaqty rejımde iske qosyldy (FOTO)
Atalǵan júıeni engizý syrtqy ekonomıkalyq qyzmet sýbektilerine rásimderdi ońaılatýǵa baǵyttalǵan. Júıe DSU erejelerine jáne halyqaralyq standarttarǵa tolyq sáıkes jasalǵan.
Synaq alańy retinde Astananyń kedendik rásimdeý ortalyǵy tańdaldy, al 2017 jyldyń 1 shildesine qaraı júıeni búkil Qazaqstanǵa engizý josparlanyp otyr.
«Bul júıe deklaranttardy salyq tóleýshiler bazasymen tekserýge, naqty ýaqytta kedendik tranzıtti qadaǵalaýǵa, túsken kiristi baqylaýǵa jáne kedendegi jemqorlyqpen, kontrbandamen kúresýge múmkindik beredi», - deıdi Qarjy mınıstrligi memlekettik kiris komıtetiniń tóraǵasy Dáýlet Erǵojın.
Ázirleýshi mamandardyń aıtýynsha, ASTANA-1 júıesi barlyq qadaǵalaý mekemeleriniń ózara is-qımylyn tıimdi etetin Biryńǵaı terezeniń negizin qalaıdy.
Pılotty synaqtar júrgizý úshin Astanaǵa BUU sarapshylary keldi. Olar júıeni 24/7 rejımde júrgizip, qoldanýshylardy jańa júıege úıretetin bolady.
