Elimizde salyq qyzmetteriniń sapasyna qanaǵattanýshylyqtyń artqany baıqalady - «Sandj» zertteý ortalyǵynyń dırektory
ALMATY. 14 qańtar. QazAqparat /Erlik Erjanuly/ - 2010 jyly salyq qyzmetteriniń sapasyna shaǵyn, orta jáne iri bıznes sýbektileriniń qanaǵattanýshylyǵy 85-ten 88 paıyzǵa deıin artqan.
Bul jaıly QR Salyq tóleýshiler qaýymdastyǵynyń tapsyrysy boıynsha áleýmettik zertteý júrgizgen «Sandj» zertteý ortalyǵynyń dırektory Janar Jandosova búgin zertteý qorytyndysyna arnalǵan dóńgelek ústel jıynynda aıtty.
«Zertteý kezinde Qazaqstannyń barlyq aımaǵyn tolyq qamtydy. Onda 1625 bıznes sýbektilerine, 781 jeke tulǵalarǵa jáne turǵyndarǵa tikeleı qyzmet kórsetetin 416 salyq organdarynyń qyzmetkerlerine saýalnama júrgizildi. Esepke alýdy júrgizý men tólengen salyqtardy, ósimpuldardy, aıyppuldardy qaıtarý jáne salyq zańnamasyn túsindirýden basqa salyq qyzmetteriniń sapasyna qanaǵattanýshylyq baıqalady. Ol Qaraǵandy, Pavlodar, Qostanaı, Aqmola, Aqtóbe, Qyzylorda jáne Shyǵys Qazaqstan oblystarynda 95 paıyzdan asady», - deıdi Janar Jandosova.
Onyń aıtýynsha, jaqsarýdyń 10-24 paıyzdyq joǵary serpini Qaraǵandy, Pavlodar, Mańǵystaý jáne Almaty oblystarynda baıqalyp otyr. Byltyr sondaı-aq elektrondy túrde salyq eseptiligin tapsyratyn káspkerlerdiń úlesi birshama ósti. Bul 2009 jyly 64 paıyzdan 81 paıyzǵa deıin ulǵaıǵan.
