Elimizde sal aýrýyna shaldyqqan balalarǵa kómek berýge arnalǵan aktsııa aıaqtaldy
ALMATY. 27 jeltoqsan. QazAqparat /Názıra Eleýhan/- Almatyda "FýdMaster" kompanııasynyń sal aýrýyna shaldyqqan balalarǵa (DTsP) kómek berýge arnalǵan "Ár aırannan 1 tenge" atty aktsııasy aıaqtaldy.
Aktsııa múgedekter aılyǵy aıasynda ótken bolatyn. Oǵan «FýdMaster» aıranyn satyp alǵan barlyq qazaqstandyqtar qatysty.
Atalmysh sharanyń uıymdastyrýshylary túsken qarajattarǵa elimizdiń ár aımaqtarynda ornalasqan 6 ońaltý ortalyqtaryna medıtsınalyq qural-jabdyqtar, trenajerlar men sporttyq kıimderdi satyp alyp, syıǵa tartty.
«Qajetti zattar balalardyń tezirek fızıkalyq beıimdelý kýrsynan ótýge kómektesedi degen oıdamyz. Eń aldymen bul kómekter balalardyń óz erkimen qozǵalýyna, tolyqqandy balalar qataryna qosylyp, olarmen birdeı dárejede bilim alýyna yqpal etetinine kómektesedi degen úmittemiz. Eń bastysy biz - myńdaǵan qazaqstandyqtar balalarǵa tolyqqandy ómir súrýge «úmit» syıladyq jáne qoǵamǵa qajet ekendikterin bildiretin «senimimizdi» bildirdik», -dedi "FýdMaster" kompanııasynyń Bas dırektory Aıda Saparǵazınova.
Onyń aıtýynsha, bul aktsııa kishkentaı kúshterdi jumyldyra otyryp, úlken jaqsy ister jasaı alatynymyzdyń bir mysaly. «Kelesi jyly da bul aktsııa jalǵasyn tabatyn bolady», - dep atap ótti ol.
