Elimizde sábılerdiń shetineýi birshama tómendedi - Densaýlyq saqtaý mınıstri
ASTANA. QazAqparat - Elimizde sábı shetineýi azaıyp keledi. Bul týraly búgin QR Prezıdentiniń «Qazaqstan - 2050: Bir maqsat, bir múdde, bir bolashaq» atty Joldaýyn talqylaýǵa arnalǵan jıynda QR Densaýlyq saqtaý mınıstri Salıdat Qaıyrbekova aıtty.
Eldiń jahandyq básekege qabilettilik ındeksindegi mańyzdy kórsetkishteriniń biri bala shetineýin tómendetý bolyp sanalatyndyǵyn basa aıtqan mınıstr: «2008 jyldan bergi kórsetkishterdiń tómendeý qarqynyn eskerer bolsaq, onda biz 2018 jylǵa qaraı Eýroodaq kórsetkishterine qol jetkizetin bolamyz ári bizdiń kórsetkish myń týylǵan balaǵa 3,5-ti quraıdy», - dedi.
Mınıstrdiń alǵa tartqan derekterine qaraǵanda, 2007 jyly respýblıkada dúnıe esigin ashqan myń sábıdiń 14,7-si shetineıtin.
«Bul TMD elderindegi eń joǵary kórsetkish bolatyn», - degen mınıstr ótken jyly bala ólim-jitiminiń kórsetkishi 11,3-ti qurap, birshama tómendegenin jetkizdi.
