Elimizde sábılerdiń ólimi azaıyp keledi
ASTANA. QazAqparat - Elimizde sábılerdiń shetineýi tómendep keledi. Bul týraly búgin QR Statıstıka agenttiginiń basshysy Álıhan Smaıylov málim etti.
«Aǵymdaǵy jyldyń qańtar-aqpan aılarynda 1 jasqa deıingi nárestelerdiń ólim-jitimi 9,7 paıyzǵa kemidi», - dedi ol. Á.Smaıylovtyń sózine qaraǵanda, atalǵan ýaqyt aralyǵynda barlyǵy 756 bala kóz jumǵan. Sábılerdiń ólim-jitiminiń negizgi sebebi perınataldyq kezeńde paıda bolatyn jaǵdaılar bolyp otyr. Dál osy jaǵdaılarda shetinegen sábıler sany - 404. Sondaı-aq týa bitken aýytqýlardan - 145, tynys músheleriniń aýrýlarynan - 70, jazataıym jaǵdaılar men ýlanýdan jáne jaraqattanýdan 29 bala kóz jumǵan.
