Elimizde ruqsat berý qaǵazdary qysqarady - QR Ekonomıkalyq damý jáne saýda mınıstrligi
ASTANA. Mamyrdyń 12-si. QazAqparat /Arman Asqarov/ - Búgin QR Ekonomıkalyq damý jáne saýda mınıstrliginde ruqsat berý júıesin jetildirý máselelerine arnalǵan semınar-keńes ótti,
dep habarlaıdy QazAqparat.
Semınar barysynda málim bolǵandaı, búginde elimizde ruqsat berýdiń 1015 túri tirkelgen. Aldaǵy ýaqytta olardyń 334-in alyp tastaý josparlanǵan. Demek, elimizdegi ruqsat berý qujattarynyń jalpy sany 881-di quraıtyn bolady. Osy oraıda «gılotın» ádisin, ıaǵnı ekonomıkalyq jaǵynan tıimsiz ruqsat berý qujattaryn alyp tastaý jumysyn júrgizý kózdelgen. Semınarda elimizdegi ruqsat berý júıesin ońtaılandyrý maqsatynda arnaıy sarapshylar komıssııasyn qurý usynylǵan. Bul jáne osyǵan baılanysty barlyq is-sharalardy QR Ekonomıkalyq jáne saýda mınıstrligi atqarmaq.
