Elimizde resmı tirkelgen bosqyndar sany turaqty - Eńbek jáne halyqty áleýmettik qorǵaý vıtse-mınıstri
ASTANA.Mamyrdyń 4-i. QazAqparat /Aıdar Ospanalıev/ - Elimizde resmı tirkelgen bosqyndar sany turaqty.
Sońǵy jyldary ol 600 adamnyń tóńireginde. Bul týraly búgin «Bosqyndar týraly» zańǵa baılanysty jýrnalıstermen arnaıy kezdesken Eńbek jáne halyqty áleýmettik qorǵaý vıtse-mınıstri Birjan Nurymbetov málim etti, dep habarlaıdy QazAqparat.
Onyń sózine qaraǵanda, búginde elimizde barlyǵy resmı túrde tirkelgen 615 bosqyn nemese 216 otbasy bolsa, olardyń 107-si - hazar, 132-si - pýshtýn, 337-si - tájik, 27-si ózbek halqynyń ókilderi. Al qalǵandary, ıaǵnı 12 adam basqa da ulttardyń ókilderi. «Bular - Aýǵanstannan qonys aýdarǵan bosqyndar. Sondaı-aq taǵy Efıopııanyń 2 azamaty men Somalı men Nıgerııanyń bir-bir azamattary bar. Al olardyń elge kelý sebepterine keletin bolsaq, bul málimetter qupııa. Olardyń barlyǵy bizdiń «Bosqyndar týraly» zańymyzda kórsetilgen sebeptermen qonys aýdarǵandar. Olardyń ómirlerine óz elderinde qaýip tónip turdy», dedi vıtse-mınıstr.
Sondaı-aq ol keltirgen málimetterge qaraǵanda, sáýirdiń 1-indegi málimetter boıynsha bosqyn mártebesin alýǵa 10 otbasy ótinishterin bildirip, olardyń 5-ýi osy ýaqytta bosqyn dep tabyldy. Al qalǵan 5-ýi tıisti komıssııanyń qaraýynda. «ıAǵnı kezekte turǵandardyń sany 5 otbasy. Qazaqstannyń «Bosqyndar týraly» qoldanystaǵy zańy saıası baspana berý máselesin de qarastyrady. Alaıda bul másele Memleket basshysynyń arnaıy Jarlyǵymen retteledi. Sondyqtan saıası baspana berý sharasy tek Prezıdenttiń ǵana quzyryndaǵy másele», dedi B.Nurymbetov.
Ol keltirgen derekter boıynsha, 1991-shi jyldan beri 5 adam Qazaqstannan saıası baspana suraǵan. Alaıda qazir elimizde saıası bosqyndar joq.
