Elimizde radıatsııalyq onkologııanyń 5 óńirlik joǵary tehnologııalyq ortalyqtary qurylady
ASTANA. 28 mamyr. QazAqparat - Qazaqstanda radıatsııalyq onkologııanyń 5 óńirlik joǵary tehnologııalyq ortalyqtary qurylatyn bolady.
Bul týraly búgin Úkimet otyrysynda QR densaýlyq saqtaý mınıstri Salıdat Qaıyrbekova málim etti.
Vedomstvo basshysynyń aıtýynsha, bul ortalyqtar Astana, Almaty, Semeı, Qaraǵanda, Aqtóbe qalalaryndaǵy qazirgi kezdegi qoldanystaǵy onkologııalyq ortalyqtardyń bazasynda ornyǵady. Bul jerde bekitilgen aımaqtardyń turǵyndaryna joǵary mamandandyrylǵan emdeý sharalary men ádisteri júrgiziledi.
Aıta keteıik, Densaýlyq saqtaý mınıstrligi Qazaqstan Respýblıkasyndaǵy onkologııalyq kómekti damytýdyń 2012-2016 jyldarǵa arnalǵan baǵdarlamasyn daıarlap, ol QR Úkimetiniń qaýlysymen bekitildi. Baǵdarlamanyń maqsaty - qaterli isik aýrýlarynan Qazaqstan azamattarynyń ólim-jitimin tómendetý. Osy maqsatqa qol jetkizý úshin úsh negizgi mindet aıqyndaldy. Onyń ishinde onkologııalyq aýrýlardyń profılaktıkasyn jetildirý, ıaǵnı skrınıngterdi damytý, emdeý men dıagnostıka ádisterinde joǵary tehnologııalarǵa qoljetimdiligin arttyrý, sondaı-aq onkologııalyq aýrýlarǵa qazirgi zamanǵy ońaltý júıesin qurý sharalary qarastyrylǵan.
