Elimizde Prezıdenttik testiler tapsyrý bastaldy
ASTANA. QazAqparat - Bul kúnderi Qazaqstannyń aımaqtarynda Qazaqstan Respýblıkasynyń Tuńǵysh Prezıdenti - Ult kóshbasshysy N.Nazarbaevtyń testilerin tapsyrý ótip jatyr. Osy joly testilerdi qabyldaý el halqynyń barlyq toptarynyń arasynda jazǵy tártippen iske asyrylyp jatyr.
Qorytyndylar shyǵarylyp, marapattaý 2015 jyldyń 1 jeltoqsanynda - Qazaqstan Respýblıkasynyń Tuńǵysh Prezıdenti kúni ótedi, dep habarlaıdy QR Mádenıet jáne sport mınıstrliginiń Shtattyq ulttyq komandalar jáne sporttyq rezerv dırektsııasynyń baspasóz qyzmetinen.
Sport jáne dene shynyqtyrý isteri jónindegi komıteti, ShUKjSR qyzmetkerleri qalyń buqaranyń arasynda túsindirme jumystaryn júrgizip, jer-jerlerdi aralaýda, Qazaqstannyń oblystary men aýdandarynda Prezıdenttik testilerdiń tapsyrylýyn kózderimen kórip jatyr. Jumys tobynyń quramyna Qazaqstan Respýblıkasynyń sport salasyndaǵy barlyq derlik birinshi tulǵalary, Sport jáne dene shynyqtyrý isteri jónindegi komıtettiń, ShUKjSQ basqarýshy quramy, eldiń eńbek sińirgen jattyqtyrýshylary, jazǵy Olımpıada oıyndarynyń kúmis júldegeri kirdi... Búgin Prezıdenttik testilerdiń normatıvterin tapsyrý SQO, Qaraǵandy, Jambyl oblystary, Astana jáne Almaty qalalary, Aqmola, Aqtóbe, BQO, Qostanaı, Qyzylorda, OQO, Pavlodar, ShQO jáne Mańǵystaý oblystarynda aıaqtaldy. Barlyq aımaqtarda azamattardyń osy buqaralyq sport sharalaryna kóptep qatysýy atap ótildi. Budan keıin, bir jyldyń ishinde osy aımaqtyq kezeńderde erekshe kózge túskender eń úzdik sportshylar jarysatyn kelesi kezeńge ótedi. Testileý barlyq jastaǵy adamdardyń arasynda ótkizilip jatyr. Testileýge memlekettik organdardyń qyzmetkerleri: ákimdikter, aýdandyq jáne oblystyq ishki ister, tótenshe jaǵdaılar departamentteriniń, densaýlyq saqtaý salasynyń qyzmetkerleri, óndiristik jáne jekemenshik kompanııalardyń ujymdary, bank salasynyń qyzmetkerleri, Qazaqstan qalalary men oblys aýdandaryndaǵy bilim mekemeleriniń ujymdary qatystyryldy. Sporttyq ister jónindegi komıtettiń mamandary turǵyndardyń normatıvterdi tapsyrý kezindegi joǵary belsendiligi men joǵary nátıjelerin atap ótti. Qatysýshylardyń kóbi ulttyq normatıvterdi esepke almaǵanda, tipti prezıdenttik normatıvti tapsyryp úlgergen.
