Elimizde prezıdenttik synamalar aılyǵy ótip jatyr (FOTO)
ASTANA. QazAqparat - Elimizdiń Sport jáne dene shynyqtyrý isteri agenttigi ótken aptanyń senbi, jeksenbi kúnderi Astana qalasyndaǵy Qajymuqan Muńaıtpasov atyndaǵy stadıonda prezıdenttik synamalardy tapsyrý sporttyq is-sharasyn ótkizdi.
Oǵan atalmysh vedomstvoǵa baǵynyshty 5 memlekettik mekeme men ózge mınıstrlik jáne agenttikterdiń qyzmetkerleri qatysty.
Sporttyq sharada barlyǵy 9 memlekettik mekeme, 465 qyzmetker baq synady. Olardyń ishinde eń belsendisi QR Іshki ister mınıstrligi boldy. Atalǵan mınıstrlik tarapynan prezıdent synamalaryn tapsyrý úshin 60-qa jýyq qyzmetker keldi. Sondaı-aq, elimizdiń Tótenshe jaǵdaılar mınıstrligi de belsendilik tanytqanyn aıta ketken jón.
Qyzmetkerler uzyndyqqa sekirý, qysqa qashyqtyqqa júgirý (60 jáne 100 m) jáne uzaq qashyqtyqqa júgirýden (500, 1000, 2000, 3000 m) synaq tapsyrdy. Al, ekinshi kezeń osy aptanyń sońynda ótedi. Ol kezde qyzmetkerler pnevmatıkalyq vıntovkamen atý, kermege tartylý (áıelder arqada jatyp keýdesin kóterý) jáne júzýden synǵa túsedi.
Agenttiktiń bastamasymen 25 sáýir men 25 mamyr aralyǵy prezıdenttik synamalar aılyǵy bolyp ataldy. Búginde osynyń aıasynda mundaı synamalar elimizdiń barlyq óńirinde ótýde. Munyń basty maqsaty - salaýatty ómir saltyn nasıhattap, halyqtyń densaýlyǵyn, dene daıyndyǵynyń qaı deńgeıde ekeni anyqtaý.
Astanadaǵy sharanyń ashylý saltanatyna Parlament Májilisiniń depýtaty Abaı Tasbolatov, Agenttik tóraǵasynyń orynbasarlary Elsııar Qanaǵatov pen Sársen Quranbek jáne sport qaıratkerleri qatysty.
Osy rette bul synamanyń erikti túrde ótetinin aıta ketken jón. ıAǵnı, nátıjesi qandaı bolsyn, qyzmetkerdiń jumysyna áser etpeıdi, dep habarlaıdy Sport jáne dene shynyqtyrý agenttiginiń baspasóz qyzmeti.
