Elimizde poıyz bıletteriniń baǵasy qymbattaı ma
NUR-SULTAN. QazAqparat - «Jolaýshylar tasymaly» AQ resmı ókili Dıas Ahmetshárip poıyz bıletteriniń baǵasy týraly aıtty, dep habarlaıdy QazAqparat tilshisi.
«Biz, ulttyq tasymaldaýshy retinde, Qazaqstandaǵy barlyq tasymal boıynsha qajettiliktiń 80 paıyzyn jaýyp otyrmyz. Qalǵan 20 paıyz - jeke kompanııalar úlesinde. Biz jyl saıyn 120 baǵdar boıynsha qyzmet kórsetemiz. Onyń 50 baǵyty - jolaýshylar tasymaly. 70 baǵdar - qala mańyndaǵy tasymal. 50 marshrýttyń ishinde bizde 39-nyń áleýmettik mańyzy bar. 11 - kommertsııalyq baǵdar jumys istep tur. Indýstrııa jáne ınfraqurylymdyq damý mınıstrligi arqyly jasalǵan áleýmettik mańyzy bar baǵyttar boıynsha uzaq merzimdi sýbsıdııalaý týraly kelisim bar. Osy kelisimge sáıkes biz jyl saıyn áleýmettik mańyzy bar baǵdarlardyń tarıfterin kóteremiz. Óıtkeni olar memleket tarapynan sýbsıdııalanady», - dedi Dıas Ahmetshárip elordada ótken baspasóz máslıhatynda.
Kompanııanyń resmı ókili sondaı-aq, bıyl qansha baǵdar boıynsha baǵanyń kóterilgenin aıtyp ótti.
«Osy jyly bizdiń baǵalarymyz kóterilgen joq. Tek qyrkúıekte esep beremiz. Al quzyrly organdar tarıfterdi kóterý týraly hat jiberedi. Bizde áleýmettik mańyzy bar 28 baǵdar úshin tarıf 10 paıyzǵa ósti. Bul jyl saıynǵy protsedýra», - dedi Dıas Ahmetshárip.
